Gjykata pushon çështjen e Agron Tufës ndaj Spartak Brahos

Nga Redaksia
Gjykata pushon çështjen e Agron Tufës ndaj Spartak Brahos

Gjykata e shkallës së parë ka pushuar sot çështjen e Agron Tufës ndaj deputetit socialist Spartak Braho. Në muajin prill, drejtori i ISKPK, Agron Tufa paditi për shpifje dhe fyerje deputetin Spartak Braho, ish-ministrin Sabit Brokaj dhe gazetën Dita.

Gjyqtari i çështjes Sokol Pasho, argumentoi se prokura ndaj avokatit të zotit Tufa nuk përmbushte kriteret ligjore të përcaktuara nga Kodi i Procedurës Penale. Sipas gjyqtarit prokura nuk ishte nënshkruar as nga zoti Tufa dhe as nga avokati i tij dhe kështu çështja nuk mund të gjykohej.

Drejtori Tufa ka patur përplasje, sidomos me deputetët socialistë, ndërsa ka mbështetur padinë ndaj ish-komandantit të burgut të Qafë-Barit, Edmond Caja, i akuzuar për dhunë sistematike ndaj ish-të burgosurve.

Tufa ka marrë disa kërcënime për jetën për shkak të punës së tij që përfshin hetimin, studimin dhe publikimin e informacioneve mbi ekzekutimet jo gjyqësore të kryera nga forcat komuniste. Puna e tij ka shkaktuar zemërim tek Partia Socialiste, veçanërisht tek deputeti Spartak Braho i cili ishte anëtar i sistemit gjyqësor gjatë diktaturës komuniste.

Së fundmi, ai kërkoi azil në Zvicër për veten, gruan dhe pesë fëmijët e tij.

5 komente

  1. Ari 24 Dhjetor, 2019 në 3:21 pm

    Faleminderit exit.al
    Jeni të vetmit që na e perkthyet në shqip vendimin e gjykatës.
    Gjithandej gazetat e jepnin lajmin sic doli nga gjyqtari, pra me një gjuhe prej druri.
    Faleminderit sërish për punën tuaj.
    Jam i sigurt se se shpejti do ti bëni edhe një analizë profesionale këtij vendimi

    • Law 24 Dhjetor, 2019 në 4:12 pm

      Nuk ka nevoje per anailize profesionale ketu. Gjykata thjesht nuk e ka shqyrtuar ne themel padine. Per arsye teknike, se prokura ishte relativisht e pavlefshme. Ndaj dhe paditesi nuk legjitimohet si pale para gjykates. Problemi shtrohet se ca beri gjykata nga prilli deri ne dhjetor? Pse e disponoi padine nderkohe qe prokura ishte me probleme? Mgjt paditesi mund te ribeje padine duke plotesuar gabimet ne prokure. E thjeshte fare.

  2. Law 24 Dhjetor, 2019 në 4:12 pm

    Nuk ka nevoje per anailize profesionale ketu. Gjykata thjesht nuk e ka shqyrtuar ne themel padine. Per arsye teknike, se prokura ishte relativisht e pavlefshme. Ndaj dhe paditesi nuk legjitimohet si pale para gjykates. Problemi shtrohet se ca beri gjykata nga prilli deri ne dhjetor? Pse e disponoi padine nderkohe qe prokura ishte me probleme? Mgjt paditesi mund te ribeje padine duke plotesuar gabimet ne prokure. E thjeshte fare.

  3. ari 24 Dhjetor, 2019 në 10:40 pm

    Desha thjesht t’i shpreja vleresimin per berjen e lajmit te qarte, pasi gazetat e tjera qe lexova e jepnin copy past sic ua kishte trasmetuar gjykata, dhe ishte nje gjuhe tejet teknike e pakuptueshme per mua.
    Faleminderit edhe Ju per shpjegimet e metejme. Ciao

Adresa juaj e emailit nuk do bëhet publike.

Lajme te ngjashme