Gjykata e Lezhës ka pushuar çështjen ndaj ish deputetit të PS, Arben Ndoka. Në vendimin e marrë të enjten, gjykata argumentoi se ndaj Ndokës nuk provohet vepra penale.
Arben Ndoka u arrestua në tetor 2018, bashkë me 12 zyrtarë të tjerë të institucioneve në Lezhë.
Ai akuzohet për falsifikim dokumentesh dhe tjetërsim pronash në Lezhë.
Grupi i zyrtarëve që merrej me tjetërsimin e pronave u zbulua gjatë përgjimeve të telefonatave të bandës së Avdylajve të Shijakut, të akuzuar për trafik droge.
Vëllai i Ndokës, Xhevahir Ndoka, u arrestua në të njëjtën ditë, si pjesë e bandës së vëllezërve Avdylaj.
