Gjykata shpall qeverinë Hoti jo kushtetuese, Kosova drejt zgjedhjeve

Nga Exit News
Gjykata shpall qeverinë Hoti jo kushtetuese, Kosova drejt zgjedhjeve

Gjykata Kushtetuese e Kosovës ka konstatuar që vota e deputetit Etem Arifi, pro krijimit të Qeverisë Hoti, ka qenë e pavlefshme.

Vota e tij ishte vendimtare në formimin e qeverisë aktuale, i cili mori vetëm 61 vota në parlamentin me 120 vende, numri minimal i votave të kërkuara.

Vendimi i Kushtetueses rrëzon votimin e qeverisë Hoti pasi nuk sigurohet numri i mjaftueshëm i votave në Kuvendin e Kosovës.

Në këtë rast, vendi duhet të mbajë zgjedhje brenda 40 ditësh.

Kjo seancë gjyqësore po zhvillohet me kërkesë të partisë Vetëvendosja, e cila pretendon se qeveria Hoti është e paligjshme, sepse për formimin e saj ka votuar dhe deputeti Etem Arifi. Arifi ka qenë i dënuar me vendim të formës së prerë të gjykatës, në momentin që ka votuar, në 3 qeshor.

15 komente

Adresa juaj e emailit nuk do bëhet publike.

Lajme te ngjashme