Kosova dhe Serbia takohen në 2 shtator në Shtëpinë e Bardhë

Nga Exit News
Kosova dhe Serbia takohen në 2 shtator në Shtëpinë e Bardhë

Udhëheqësit e Kosovës dhe të Serbisë do të takohen në Shtëpinë e Bardhë për negociata në 2 shtator 2020.

Lajmin e bëri të ditur të premten Riçard Grenelli, i dërguari i Presidentit amerikan Donald Tramp.

“Jemi të gëzuar tek njoftojmë se udhëheqësit e Kosovës dhe Serbisë do të takohen në Shtëpinë e Bardhë për negociata në 2 shtator,” deklaroi Grenelli, duke përfshirë në mesazhin e tij Presidentin Tramp, Këshilltarin për Sigurinë Robert O’Brian dhe Këshillin Kombëtar të Sigurisë.  

Ky samit vjen pas shtyrjes së një samiti të mëparshëm për të rifilluar dialogun e ngecur, i planifikuar për 27 qershor. Ai u shty për shkak të publikimit të aktakuzave për krime lufte që përfshinin Presidentin Hashim Thaçi, i cili iishte rrugës për në Shtëpinë e Bardhë. 

Publikimi i aktakuzave u pasua nga rinisja e dialogut nën udhëheqjen e BE-së.

Kryeministri i Kosovës Avdullah Hoti dhe Presidenti i Serbisë Aleksandar Vuçiç u takuan një herë dhe caktuan negociatorë për të vazhduar më tej me çështjet teknike.

Sidoqoftë, çështja kryesore e njohjes së Kosovës mbetet jashtë negociatave. Ndërsa Kosova pretendon se ka hyrë në dialogu ekskluzivisht për njohje reciproke , Serbia mohon kategorikisht se mund të diskutojë ndonjëherë për njohjen e Kosovës.

Kohët e fundit Kosova ka kërkuar përfshirjen e SHBA-së në dialog.

Njoftimi i Grenellit vjen në të njëjtën ditë kur Presidenti Tramp njoftoi një marrëveshje midis Izraelit dhe Emirateve të Bashkuara Arabe, të cilën ai e quajti “historike”.

Samiti i shtyrë i 27 qershorit ishte planifikuar të përqëndrohej në çështjet ekonomike. Nuk është e qartë se cila do të jetë përmbajtja e negociatave të 2 shtatorit. Mbetet, gjithashtu, e panjohur nëse ky samit është i koordinuar me BE-në.

LEXO  Grenell kundër Kurtit, taksa të hiqet pa reciprocitet ndaj Serbisë

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>