Greqia shtyn deri në 30 shtator kufizimet për udhëtarët

Nga Exit News
Greqia shtyn deri në 30 shtator kufizimet për udhëtarët

Deri në 30 shtator, Greqia do të mbajë në fuqi të njëjtat rregulla për kalimet në pikat kufitare me Shqipërinë: udhëtimet për arsye turistike nuk do të lejohen dhe numri i personave që kalojnë kufirin do të jetë i kufizuar.

Përmes një njoftimi zyrtar, Ambasada greke sqaron qytetarët se bazuar në të dhënat epidemiologjike, rregullat e kalimit të kufirit do të qendrojnë të njejta, deri më 30 shtator.

Në pikën kufitare të Kakavijës do të lejohet të kalojnë vetëm 750 shtetas grekë ose shqiptarë me rezidencë në Greqi çdo ditë, ndërsa nga ajo e Kapshticës do të lejohen vetëm 300 në ditë.

Të gjithë duhet të kenë me vetë testin negativ të COVID-19, të bërë eri 72 orë para mbërritjes në pikën e kalimit kufitar, nga laboratorët publike apo private të certifikuara në Shqipëri. Testi duhet të jetë i përkthyer në gjuhën angleze. Përjashtohen nga rregulli për bërjen e testit shoferët e kamionëve që transportojnë mallra dhe fëmijët nën 10 vjeç.

Po ashtu, të gjithë udhëtarët duhet të kenë me vetë vërtetimin e plotësimit të formularit të posaçëm PLF, në adresën travel.gov.gr.

Adresa juaj e emailit nuk do bëhet publike.

Lajme te ngjashme