Ish-kryeministri i Kosovës Ramush Haradinaj, pjesë e koalicionit qeverisës, ka kundërshtuar vendimin e qeverisë për të hequr task-forcën anti korrupsion.
Në një postim në Facebook, Haradinaj shprehet se heqja e task-forcës sjell pasiguri juridike në vend:
“Puna e tyre ka treguar që askush nuk është i paprekshëm nga drejtësia. Normalisht ka pasur shumë gjëra të përmirësohen dhe kjo task-forcë të fuqizohet, qoftë nga rishikimi funksional ose nga rekomandimet e partnerëve strategjik si SHBA-ja dhe BE-ja.”
Pak ditë më parë edhe Bashkimi Europian e ka kritikuar qeverinë e Kosovës për vendimin për shkarkimin e task-forcës anti-korrupsion.
