Hoti i shpreh Blinkenit gatishmërinë për të punuar në dialogun me Serbinë

Nga Exit News
Hoti i shpreh Blinkenit gatishmërinë për të punuar në dialogun me Serbinë

Kryeministri në detyrë i Kosovës Avdullah Hoti i shprehu Sekretarit amerikan të Shtetit Antony Blinken, gatishmërinë për të punuar sëbashku gjatë procesit të dialogut me Serbinë.

Përmes një letre ai e uroi Blinken për detyrën dhe tha se ndihet mirënjohës për mbështetjen që ”SHBA i ka dhënë Kosovës si një shtet i pavarur”.

Hoti ka theksuar rëndësinë e bashkëpunimit me SHBA dhe BE për të arritur normalizimin e marrëdhënieve Kosovë-Serbi, gjë që sipas tij “do të forconte stabilitetin rajonal.”

Në mars 2021 bëhet 10 vjet që prej nisjes së dialogut mes Kosovës dhe Serbisë. Qeveria e Prishtinës synon të marrë njohjen e pavarësisë së Kosovës nga Serbia.

Dialogu u ndërpre në fund të vitit 2018, pas vendosjen e taksës 100 përqind nga qeveria e Haradinajt mbi mallrat nga Serbia.

Më vonë, qeveria Kurti vendosi masa reciprociteti ndaj Serbisë, por këto të fundit u hoqën nga Qeveria Hoti, për të mundësuar vazhdimin e dialogut.

Administrata Trump vendosi të ndërmjetësonte dialogun pa u koordinuar me Brukselin. Ish-presidenti Trump emëroi Richard Grenell si të dërguar të posaçëm për këtë proces i cili u finalizua në Shtëpinë e Bardhë më 4 shtator 2020, ku presidenti serb Vuçiç dhe kryeministri kosovar Hoti nënshkuan një letër bashkëpunimi për normalizimin e raporteve ekonomike.

Por administrata e re e presidentit Biden ka vendosur të ketë qasje të përbashkët me BE-në në ndërmjetësimin e dialogut mes dy vendeve për të arritur “një marrëveshje gjithëpëfshirëse”.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>