Hoxhaj: PDK e vetmja që mund të ndalë rrezikun për zhbërjen e shtetit

Hoxhaj: PDK e vetmja që mund të ndalë rrezikun për zhbërjen e shtetit

Kandidati i Partisë Demokratike të Kosovës për kryeministër Enver Hoxhaj tha të enjten se është në rrezik zhbërja e shtetit. Sipas tij vetëm PDk mund ta ndalë këtë.

Në një takim me Këshillin e Përgjithshëm dhe strukturat tjera të partisë, Hoxhaj mori mbështetjen për kandidaturën si kryeministër.

“Në këtë gjendje të krijuar, vetëm PDK-ja është garancë e fortë që do të ndalë zhbërjen. Dhe PDK-ja do ta bëjë këtë”, tha Hoxhaj.

Sekretari i përgjithshëm i PDK-së, Uran Ismaili u shpreh se viti 2020 ka qenë një ndër vitet më të vështira për vendin. Sipas tij kjo edhe për shkak të mungesës së liderëve të UÇK-së dhe PDK-së.

Lidhja Demokratike e Kosovës njoftoi, të mërkurën, se Avdullah Hoti është kandidati i tyre për kryeministër në zgjedhjet e ardhshme.

Zgjedhjet e parakohshme në Kosovë do të mbahen pas vendimit të Gjykatës Kushtetuese, e cila e shpalli votën e deputetit Etem Arifi për qeverinë Hoti të pavlefshme.

Adresa juaj e emailit nuk do bëhet publike.

Lajme te ngjashme