Një 34-vjeçare nga Librazhdi me Covid-19 ka humbur jetën mëngjesin e 24 qershorit në spitalin Infektiv. Ajo është viktima më e re në moshë në vend.
Sipas ministrisë, viktima vuante nga sëmundje të veshkave, diabeti dhe hipertensioni.
Ajo ishte e shtruar në shërbimin infektiv prej disa ditësh, në gjendje të rëndë dhe e intubuar.
34-vjeçarja është viktima e dytë me Covid-19 në 24 orët e fundit.
Pasditen e 23 qershorit një 65-vjeçar nga Tirana humbi jetën në infektiv.
Në total shkon në 47 numri i viktimave me Covid-19 në vend.
