Ibrahimi: SPAK të jetë më i orientuar drejt hetimit të korrupsionit të zyrtarëve të lartë

Ibrahimi: SPAK të jetë më i orientuar drejt hetimit të korrupsionit të zyrtarëve të lartë

Kryetari i Këshillit të Lartë të Prokurorisë (KLP) Gent Ibrahimi shprehu sot shqetësimin se prokuroria speciale anti-korrupsion SPAK do të ngarkohet me dosje korrupsioni të rasteve shumë periferike, duke humbur kështu mundësinë të orientohet drejt hetimit të korrupsionit të zyrtarëve të lartë.

Zoti Ibrahimi deklaroi:

“Fakti është që prokuroria jonë e posaçme do të jetë e detyruar të hetojë edhe çështjen më banale të korrupsionit në periferitë e këtij vendi, krahas çështjeve të rëndësishme të korrupsionit që përfshijnë liderin e lartë të administratës dhe të politikës. Kjo ndoshta me kalimin e kohës do të vërtetojë që nuk ishte zgjedhje e mirë. 

Në rast se presim rezultate në fushën kundër korrupsionit është e domosdoshme që portofoli i Prokurorisë së Posaçme në këtë aspekt të jetë më i reduktuar dhe të jetë i orientuar atyre funksionarëve që kanë peshë.”

Sipas ligjit, SPAK, prokuroria speciale anti-korrupsion do të hetojë të gjitha dosjet që kanë të bëjnë me korrupsionin e zyrtarëve dhe krimin e organizuar. Kjo do të thotë që dhe hetimi i një punonjësi policie për marrje rryshfeti diku në një qytet të vogël të vendit, do të hetohet nga SPAK.

Mungesa e mospërcaktimit të qartë të termit ‘korrupsion i zyrtarëve’ do të bëjë që SPAK të mbingarkohet me punë dhe me shumë gjasa të mos jetë i përqendruar në hetimin e rasteve të zyrtarëve të lartë.

1 koment

  1. . 21 Janar, 2020 në 2:19 pm

    Kur keta qe jane fut ne politik dhe sistem gjyqesor se kane lidhje me PS te thone keshtu, atehere sja vlen. Ku jane ata evropianet qe flisni per paanshmeri ne sistemin gjyqesore, ata te reformes ne drejtesi. Prandaje e kane lejuar shpopullimin e shqiperise qe te ngelen vetem komunistat ne numer te madh dhe ne sklleverit qe na shkoi jeta opozite se duam te drejtat tona. Te qifsha nderkombetaret. Rrace komuniste.

Adresa juaj e emailit nuk do bëhet publike.

Lajme te ngjashme