IKMT nis shembjen e ndërtesave për lotin III të Unazës së Madhe

Nga Exit News
IKMT nis shembjen e ndërtesave për lotin III të Unazës së Madhe

Inspektorati Kombëtar i Mbrojtjes së Territorit ka nisur, të martën, shembjen e 20 ndërtesave në lotin e tretë të Unazës së Madhe.

Ndërtesat janë nga dy deri në katër kate dhe kanë funksion banimi ose shërbimesh. Disa prej tyre janë shpronësuar sipas ligjit, ndërsa pronarët e ndërtesave të papajisura me letra, nuk janë dëmshpërblyer.

Loti i tretë i Unazës së Madhe synon të bëjë me dy korsi lidhjen e Rrugës së Kavajës me Unazën e Re.

Kostoja e tenderit për lotin e tretë është rreth 1,2 miliardë lekë, rreth 10 milionë euro.

Më herët IKMT ka prishur ndërtesat në lotin e parë dhe të dytë, ku tashmë kanë nisur punimet.

Deri tani, në të gjitha lotet e Unazës, janë prishur rreth 170 objekte të madhësive të ndryshme.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>