Instituti Ndërkombëtar i Shtypit dënon sulmin kibernetik ndaj Exit News

Nga Exit News
Instituti Ndërkombëtar i Shtypit dënon sulmin kibernetik ndaj Exit News

Instituti Ndërkombëtar i Shtypit dënoi sulmin kibernetik ndaj Exit News me qëllim fshirjen e arkivës së artikujve.

Në një njoftim për shtyp ditën e premte, IPI i bëri thirrje autoriteteve shqiptare të hetojnë këtë sulm.

Sulmi i 15 prillit, nxorri jashtë funksionit faqen e lajmeve Exit News. Kushdo që përpiqej të hynte në faqe ridrejtohej në faqe të tjera duke thënë se faqja kishte përmbajtje të rrezikshme.

Foto ilustruese nga webi
Foto ilustruese nga webi

Ekspertë e IT-së arritën të merrnin kontrollin e plotë të faqes pas 24 orësh. Ekipi i IT gjeti se sulmi kishte për qëllim shkatërrimin dhe fshirjen e arkivës së artikujve. Ata arritën ta ndalonin sulmin dhe fatmirësisht asgjë nuk humbi, dhe çdo gjë është njësoj si më parë.

“Ky sulm i hapur për të fshirë arkivën e Exit Neës është një sulm direkt ndaj medias dhe raportimeve të saj”, tha Oliver Money-Kyrle, drejtori i Programeve të Evropës për IPI.

Lajme te ngjashme