Michael White, një veteran i marinës amerikane, i burgosur në Iran, është liruar dhe kthyer në shtëpi.
Ai u arrestua në vitin 2018 pasi udhëtoi për të takuar të dashurën e tij në qytetin iranian të Mashhadit. Gjykata iraniane e dënoi atë me burg me akuza të paspecifikuara.
Presidenti amerikan Donald Trump konfirmoi mbrëmjen e së enjtes se veterani ishte liruar dhe avioni zviceran ku po udhëtonte kishte lënë hapësirën ajrore iraniane.
“Unë kurrë nuk do të ndalem së punuari për të siguruar lirimin e të gjithë amerikanëve të mbajtur peng jashtë shtetit”, tha ai.
Lirimi i veteranit erdhi në ditën kur Ministri i Jashtëm i Iranit njoftoi kthimin nga SHBA-ja të një mjeku iranian.
Shkëmbimet duket se janë një shembull i rrallë i bashkëpunimit midis Iranit dhe SHBA – megjithëse Uashingtoni ka mohuar deri më tani se ishte një shkëmbim i drejtpërdrejtë i të burgosurve.
