Ish-drejtori i Shërbimit të Provës në Krujë, Shkëlzen Ypi u akuzua nga Prokuroria e Posaçme Antikorrupsion (SPAK) sepse i ka dhënë gjyqtares së Krujës Enkeleda Hoxha, rrethana të rreme për lirimin nga burgu të Endrit Dokles.
Sipas, Top Channel, shërbimi i provës për Doklen, Tafillin dhe Billën, të tre të liruar nga gjyqtarja Hoxha, i konsideronte se kishin nevojë për tu riintegruar në shoqëri. Ypi akuzohet për shpërdorim detyre.
SPAK arrestoi më 11 shkurt gjyqtaren Hoxha me akuzën e lirimit të kriminelëve nga burgu në shkëmbim të parave.
Hoxha ka liruar nga burgu Endrit Doklen, Hekuran Billën, Genc Tafilin dhe Ilir Paja.
