Institucioni i konkurrencës në Itali gjobiti me 102 milionë euro kompaninë Google për monopol në treg të sistemit operativ Android dhe dyqanit të aplikacioneve Google Play. Njoftimi u bë të enjten.
“Përmes android dhe dyqanit të aplikacioneve Google Play, Google ka një pozicion dominues, i cili i lejon të kontrollojë zhvilluesit e tjerë të aplikacioneve tek përdoruesit përfundimtarë”, tha rregullatori në një deklaratë, duke shtuar se pothuajse tre të katërtat e italianëve përdorin smartphone të sistemit Android.
Rregullatori tha që Google nuk e lejoi JuicePass, një aplikacion shërbimesh të automjeteve elektrike (EV) të prodhuar nga Enel X,duke kufizuar padrejtësisht përdorimin e tij dhe favorizuar Google Maps.
Google nuk e ka lejuar aplikacionin në Android Auto për dy vjet, gjë që mund të rrezikojë aftësinë e Enel X për të ndërtuar një bazë përdoruesish, tha vëzhguesi.
“Sjellja e kontestuar mund të ndikojë në zhvillimin e lëvizshmërisë elektronike në një fazë thelbësore… me efekte të mundshme negative të përhapjes në përhapjen e automjeteve elektrike,” tha rregullatori kundra monopolit.
Enel X është aplikacion për ofrimin e shërbimeve online italiane Enel dhe Juice Pass për të gjetur stacionet e karikimit të makinave elektrike.
