Italia ‘mashtroi OBSH-në për gatishmërinë ndaj pandemisë’

Nga Exit News
Italia ‘mashtroi OBSH-në për gatishmërinë ndaj pandemisë’

Italia dyshohet se ka mashtruar Organizatën Botërore të Shëndetësisë (OBSH) për gatishmërinë e saj për t’u përballur me pandemin më pak se tre javë para se të konfirmohej rasti i parë koronavirusit në vend.

Çdo vit, vendeve të lidhura me Rregulloret Ndërkombëtare të Shëndetit (IHR) – një traktat ndërkombëtar për të luftuar përhapjen globale të sëmundjeve – u kërkohet të paraqesin një raport të vetëvlerësimit në OBSH për statusin e gatishmërisë së tyre për një urgjencë shëndetësore.

Italia e kreu raportin e saj të fundit të vetëvlerësimit në 4 Shkurt 2020. Në një pjesë të raportit, të parë nga Guardian, ku vendet duhet të vlerësojnë gatishmërinë e tyre të përgjithshme për t’iu përgjigjur një emergjence të shëndetit publik, autori e shënon Italinë në “nivelin 5” , i cili është statusi më i lartë i gatishmërisë.

Kategoria shprehet se “mekanizmi i koordinimit të reagimit ndaj emergjencave të sektorit shëndetësor dhe sistemi i menaxhimit të incidenteve të lidhur me një qendër kombëtare të operacionit të urgjencës janë testuar dhe përditësuar rregullisht”.

Sidoqoftë, vitin e kaluar doli që Italia nuk e kishte përditësuar planin e saj kombëtar të pandemisë që nga viti 2006, një faktor që mund të ketë ndikuar në të paktën 10,000 vdekje Covid-19 gjatë valës së parë dhe që është një element kryesor i hetimit të prokurorëve për gabimet e pretenduara të kryera nga autoritetet në Bergamo, qyteti më i prekur në rajonin e Lombardisë.

Dokumenti i vetëvlerësimit iu dha prokurorëve të Bergamos si provë shtesë në një padi civile të ngritur nga familjet e viktimave të Covid-19 në dhjetor kundër politikanëve kryesorë për neglizhencë në trajtimin e pandemisë.

Transmetimi i parë i koronavirusit në Itali u konfirmua në 21 shkurt në qytetin e Kodonjos dhe dy ditë më vonë ndodhi një shpërthim rastesh në spitalin e qytetit të Bergamos.

Por ndryshe nga Kodonjo, ku u vendos menjëherë karantina, spitali Alzano Lombardo u rihap disa orë pas shpërthimit të disa rasteve ndërsa qyteti i Bergamos u mbyll dy javë më vonë.

Prokurorët e Bergamos vitin e kaluar morën në pyetje Giuseppe Conte, i cili deri në fillim të këtij muaji ishte kryeministër; Roberto Speranza, ministri i shëndetësisë; Luciana Lamorgese, ministrja e brendshme; dhe Attilio Fontana, president i rajonit të Lombardisë, si pjesë e hetimeve.

Ata gjithashtu morën në pyetje Giuseppe Ruocco, sekretarin aktual të përgjithshëm për ministrinë e shëndetësisë dhe një drejtor të përgjithshëm të shëndetit parandalues nga 2012-2014, në janar.

Adresa juaj e emailit nuk do bëhet publike.

Lajme te ngjashme