Italia miraton vaksinën Moderna për adoleshentët

Italia miraton vaksinën Moderna për adoleshentët

Rregullatori italian i barnave, AIFA miratoi të mërkurën përdorimin e vaksinës Covid-19 të kompanisë Moderna për grupmoshën 12-17 vjeç.

Vendimi vjen pasi vendi tashmë ka miratuar përdorimin e vaksinës Pfizer për adoleshentët.

Moderna njoftoi në maj se vaksina ishte gjetur e sigurt dhe efektive tek adoleshentët dhe Agjencia Evropiane e Barnave (EMA) rekomandoi përdorimin e saj për personat mbi 12 vjeç.

Agjencia e barnave AIFA deklaroi se kishte mbështetur administrimin e vaksinës Spikevax për adoleshentë, duke pranuar kështu rekomandimin e EMA-s.

“Të dhënat që zotërojmë dëshmojnë mbi efikasitetin dhe sigurinë e vaksinës edhe për subjektet në këtë grupmoshë,” citohet agjensia Aifa në një raportim të Reuters.

Vendet e Bllokut po adoptojnë me shpejtësi masa për vaksinimin e personave nën 18 vjeç, në mënyrë që të përmbajnë përhapjen e variantit shumë infektiv, Delta.

Masat duken edhe më të nevojshme gjatë stinës së verës, kur adoleshentët janë grupmosha që lëviz më shumë dhe priret drejt aktiviteteve që grumbullojnë njerëz.

 

Adresa juaj e emailit nuk do bëhet publike.

Lajme te ngjashme