Italia rekord të shëruarish nga Covid-19 në një ditë

Nga Exit News
Italia rekord të shëruarish nga Covid-19 në një ditë

Italia raportoi të martën shërimin e 2 723 personve duke e çuar totalin e atyre që e kanë mposhtur virusin në 51 600 vetë.

Autoritetet shëndetësore theksuan se ky është numri më i madh i të shëruarve të raportuar ndonjëherë në 24 orë gjatë epidemisë – të hënën të shëruarit ditorë ishin 1 822.

Në këtë mënyrë ka nisur tashmë ulja e personave të sëmurë, të martën numri i tyre zbriti me 528 duke shkuar në 107 709 pacientë – të hënën ishte hera e parë e uljes me 20 pacientë.

Për sa i përket viktimave, në krahasim me ditët e shkuara pati një rritje me rreth 80 viktima më shumë – 534 të vdekur.

Numri total i viktimave shkoi në 24 648 të vdekur.

Prej fillimit të epidemisë, Italia ka testuar rreth 1,5 milionë persona, prej të cilëve 184 mijë persona kanë rezultuar pozitivë.

Vetëm në muajin e fundit autoritetet shëndetësore 8-fishuan numrin e testimeve.

Nga këta mbi 51 mijë janë shëruar, 107 mijë mbeten të infektuar ndërsa 24 mijë kanë vdekur.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>