Izraeli dhe Emiratet e Bashkuara Arabe kanë nënshkruar një marrëveshje me qëllim normalizimin e marrëdhënieve mes dy vendeve.
Lajmin e njoftoi presidenti i Shteteve të Bashkuara të Amerikës, Donald Trump në një shënim në rrjetin social Twitter.
Nje deklaratë e përbashkët e Trump , kryeministrit izraelit Benjamin Netanyahu dhe Princit të Abu Dhabit, Mohammed Al Nahyan njofton se “kjo arritje historike do të sjellë paqe në Lindjen e Mesme”.
Si rezultat, Izraeli do të pezullojë të gjitha planet për aneksimin e pjesëve të Bregut Perëndimor.
Në javët në vijim delegacione nga izraeli dhe Emiratet e bashkaura Arabe do të takohen për të nënshkruar marrëveshje dypalëshe në lidhje me investimet, turizmin, fluturimet direkte, sigurinë, telekomunikacionin, teknologjinë, energjinë, shëndetësinë, kulturën, mjedisin, si dhe vendosjen e ambasadave reciproke.
