Joe Biden është betuar si President i Shteteve të Bashkuara të Amerikës.
Ai u betua mbi Biblën e familjes së tij të cilën ka përdorur edhe gjatë betimit në vitin 2009 dhe 2013 si zëvendëspresident.
Biden fitoi zgjedhjet presidenciale të 3 nëntorit kundër Donald Tramp.
Ai e merr detyrën në moshën 78-vjeçare në mes të një pandemie globale.
Bajden është zotuar të marrë masa për parandalimin e përhapjes së pandemisë si edhe kthimin e disa prej politikave kryesore të brendshme dhe të jashtme të ish-presidentit Trump.
Përpara tij u betua si zv/presidente Kamala Harris, e para grua me ngjyrë në këtë detyrë në SHBA.
