Johnson mbron Churchill: Nuk mund të redaktojnë historinë tonë

Nga Exit News
Johnson mbron Churchill: Nuk mund të redaktojnë historinë tonë

Statuja e Winston Churchill mund të vendoset në museum për tu mbrojtur nëse vazhdojnë protestat, tha mbesa e Churchill. Protestuesit shkruan “racist” në statujën e Churchillit javën e kaluar.

Emma Soames, mbesa e Churchill i tha BBC se kryeministri i kohës së Luftës ka qënë “një njeri i ndërlikuar” por ai konsiderohet hero nga miliona njerëz. Ajo tha se u trondit kur pa se si ishte dhunuar monumenti i Churchillit në sheshin e Parlamentit në Londër.

Soames tha se ishte “jashtëzakonisht e trishtë që gjyshi i saj, i cili ka qënë një figurë simbol i bashkimit të vendit, është kthyer në një figurë të diskutueshme. Por unë mendoj se Sheshi i Parlamentit do të jetë i varfër pa atë statujë”, shtoi ajo.

Kryeministri Boris Johnson e dënoi vandalizmin ndaj statujës së Winston Churchill, duke e quajtur atë një veprim “të papranueshëm” kundër statujës së personit që shpëtoi vendin nga “tirania fashiste dhe raciste”.

Përmes një sërë postimesh në Twitter, Johnson shkroi se:

“Është absurde dhe e turpshme që ky monument kombëtar rrezikohet nga sulmet e protestuesve të dhunshëm. Po, ai ndonjëherë ka shprehur opinone që ishin të papranueshmë për ne sot, por ai ishte një hero, dhe e meriton plotësisht memorialin e tij.

Ne nuk mund të rishkruajnë apo të censurojnë të shkuarën tonë. Ne nuk mund të pretendojmë të kemi një histori tjetër. Statujat në qytetet tona janë vendosur aty nga gjeneratat e mëparshme.

Ata kanë prespektiva të ndryshme, kuptime të ndryshme të së drejtës dhe të së gabuarës. Por ato statuja na mësojnë ne të shkuarën tonë, me të gjitha gabimet e saj. Ti hedhësh ato poshtë do të thotë të gënjesh për historinë tonë, dhe të varfërosh edukimin e brezave pasardhës”.

Johnson ka shkruar biografinë e Winston Churchill, një libër i sukseshëm shumë i shitur, ndaj ai është përfshirë personalisht në këtë ngjarje.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>