Kalon vetingun gjyqtarja që rrëzoi akuzat ndaj Tahirit

Nga Exit News
Kalon vetingun gjyqtarja që rrëzoi akuzat ndaj Tahirit

Komisioni i Pavarur i Kualifikimit konfirmoi sot në detyrë gjyqtaren e Gjykatës së Posaçme kundër Korrupsionit dhe Krimit të Organizuar, Irena Gjoka, pavarësisht problemeve me pasurinë.

Irena Gjoka është një prej tre gjyqtareve të trupës së gjykoi çështjen e ish-ministrit Saimir Tahiri.

Në shtator 2019, Gjoka bashkë me Ardit Mustafajn dhe Flora Hajredinajn, çliruan ish-Ministrin të Brendshëm Tahiri nga të gjitha akuzat e prokurorisë për trafik droge dhe e dënuan atë me 5 vite burg për shpërdorim detyre.

Vendimi për konfirmimin në deytrë të Gjokës u mor nga Roland Ilia, Genta Tafa dhe Valbona Sanxhaktarin.

Gjatë hetimit administrativ, KPK gjeti të paktën 3 raste kur gjyqtarja kishte bërë mosdeklarim ose kishte pasaktësi në deklarimin e pasurisë.

Gjyqtarja Gjoka kishte dhënë deklarime të ndryshme mbi burimin e parave për blerjen e një banese me vlerë 45 mijë euro, në deklaratën vjetore, në një kontroll të Inspektoriatit të Lartë të Deklarimit dhe Kontrollit të Pasurisë e Konfliktit të Interesave, ILDKPKI, në deklaratën veting dhe në pyetësorët e nisur nga KPK.

KPK po ashtu gjeti se gjyqtarja nuk kishte deklaruar pjesën që i takonte në apartamentin e prindërve në Patos. Sipas relatimit gjyqtares i takonte një e katërta e këtij apartamenti. Gjyqtarja e pranoi këtë mosdeklarim dhe tha se e kishte harruar.

KPK gjeti pasaktësi dhe në deklarimet e bashkëshortit të gjyqtares. Ai nuk kishte deklaruar marrjen pas të një shumë prej 1 milion lekësh të cilën ia kishte huazuar të bijës për të bërë studimet.

Këto para ishin deklaruar më pas për blerjen e dy garazheve, por KPK doli në përfundimin se mosdeklarimi i kësaj shume e nxirrte bashkëshortin me minus 500 mijë lekë të ardhura nga burimet e ligjshme në vitin 2011.

Po ashtu një tjetër mosdeklarim kishte të bënte me depozitimin e një shume prej 12 mijë eurosh në vitin 2007 në bankë.

Gjyqtarja Gjoka i justifikoi gabimet në deklarimin e pasurisë me mangësitë në mënyrën e kuptimit të ligjit në atë kohë dhe se nuk kishin qenë të qëllimshme për të fshehur pasurinë.

Pavarësisht këtyre probleme, KPK vendosi konfirmimin në detyrë të gjyqtares.

3 komente

  1. Aty ku perdhoset Shteti i se Drejtes. 26 Shkurt, 2020 në 2:52 pm

    Kesaj i thone te jeshe vete myfti e vete kadi, qe do te thote pirdh o popull se lirohesh, pra nje krim ne vazhdim.

  2. Ton Xebo 26 Shkurt, 2020 në 6:02 pm

    Vetingu eshte nje reforme e deshtuat

    Dite pas dite vertetohet fakti dhe kembengulja e PD per ta sjelle ne funksion te plote me ndihmen e komisiont te venecias dhe po dite pas dite vertetohet manipulimi haptas i vetingut nga Rama

Adresa juaj e emailit nuk do bëhet publike.

Lajme te ngjashme