Kancelarja Merkel viziton Shqipërinë më 14 shtator

Nga Exit News
Kancelarja Merkel viziton Shqipërinë më 14 shtator

Kancelarja gjermane Angela Merkel do të vizitojë Shqipërinë më 14 shtator.

Gjatë vizitës së saj Merkel pritet të zhvillojë në Tiranë një takim me liderët e Ballkanit Perëndimor në kuadër të procesit të Berlinit.

Hera e fundit që Merkel ishte në Tiranë ishte në një vizitë zyrtare në vitin 2015.

Ardhja e kancelares gjermane vjen në një kohë kur Shqipëria, Maqedonia e Veriut dhe Serbia kanë vendosur të thellojnë bashkëpunimin e tyre përmes nismës së Ballkanit të Hapur. Por kjo nismë është kundërshtuar nga Kosova, Bosnja Hercegovina dhe Mali i Zi.

Në një përgjigje për Deuthche Welle disa javë më parë, qeveria gjermane kërkoi që vendet e Ballkanit Perëndimor të firmosin më 6 tetor krijimin e Tregut të Përbashkët Rajonal mes tyre por shmangu referimin direkt ndaj “Open Balkans”

Tregu i Përbashkët Rajonal është një iniciativë në kuadër të Procesit të Berlinit që synon krijimin e një zone rajonale për tregtinë, investimet, digjitalizimin, industrinë dhe inovacionin. Rezultati i tij i parë ishte heqja e tarifave të roaming-ut në Ballkanin Perëndimor, duke filluar nga korriku 2021.

Procesi i Berlinit, një iniciativë e kancelares Merkel, filloi në 2014 si një platformë për të siguruar integrim më të lartë brenda Ballkanit Perëndimor, pasi vetë zgjerimi i BE kishte ngecur. Qëllimi i tij ishte të mbante vendet e Ballkanit Perëndimor në gjirin e BE-së, të sigurohej zbatimi relativ i reformave dhe të mbaheshin kontakte të nivelit të lartë midis Ballkanit Perëndimor dhe udhëheqësve të BE-së.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>