Këshilli Politik mblidhet pasdite, Gjiknuri: Opozita si ka komentuar propozimet tona

Nga Exit News
Këshilli Politik mblidhet pasdite, Gjiknuri: Opozita si ka komentuar propozimet tona

Këshilli Politik do të mblidhet të mërkurën në orën 18:00. Përfaqësuesi i PS-së Damian Gjiknuri i është përgjigjur ftesës së PD-së e LSI-së, bërë pak orë më parë.

Në përgjigjen e tij, Gjiknuri thekson se në mbledhjen e 28 korrikut shumica ka dhënë propozime konkrete për zgjidhjen e ngërçit, ndërsa opozita jashtëparlamentare nuk i ka komentuar ato.

Propozimi i shumicës është:

-të miratohen në 30 korrik ndryshimet kushtetuese ‘të cilat edhe sipas opinionit të ekspertëve të pavarur nuk pengojnë as hapjen 100% të listave të kandidatëve dhe as koalicionet parazgjedhore’;

-më pas të vazhdojë bisedimi në Këshillin Politik për ndryshimet e nevojshme të Kodit Zgjedhor;

-çdo ndryshim lidhur me koalicionet parazgjedhore të diskutohet me ekspertët e OSBE/ODIHR-it dhe duke parë modelet e vendeve të tjera të OSBE-së dhe diskutuar gjitha opsionet e artikuluara nga opozita jashtëparlamentare gjatë diskutimeve të deritanishme në Këshill, siç janë modeli letonez/ hollandez dhe belg.

Më herët të mërkurën, PD dhe LSI i kanë kërkuar PS-së dhe opozitës parlamentare të miratojnë hapjen e listave, pa prekur koalicionet, pragun dhe zonat zgjedhore. Gjithashtu, ata kërkojnë hartimin e ndryshimeve të Kodit Zgjedhor në dakordësi mes palëve.

2 komente

Adresa juaj e emailit nuk do bëhet publike.

Lajme te ngjashme