Kim mbështet kryeprokurorin Çela për thirrjen për hetim të krimit zgjedhor

Nga Exit News
Kim mbështet kryeprokurorin Çela për thirrjen për hetim të krimit zgjedhor

Ambasadorja amerikane Yuri Kim mbështeti thirrjen e kryeprokurorit Çela për hetim të krimit zgjedhor. Ajo tha se SHBA mbështesin fuqimisht thirrjen e tij dhe shtoi se refroma në drejtësi kërkon që prokurorët të kryejnë punën e tyre me integritet.

¨Prokurori i Përgjithshëm Çela u ka kërkuar të gjithë prokurorëve në Shqipëri që të intensifikojnë hetimin dhe ndjekjen penale të krimeve zgjedhore. Amerika e mbështet fuqimisht këtë thirrje. Reforma në Drejtësi kërkon që prokurorët të kryejnë detyrën e tyre me pavarësi dhe integritet. Askush nuk është mbi ligjin¨, tha ajo në Twitter.

Prokurori i Përgjithshëm Olsian Çela i ka kërkuar prokurorëve të hetojnë krimet zgjedhore. Përmes një letre dërguar prokurorive, Cela i kërkoi prokurorëve të përshpejtojnë hetimet paraprake.

“Prokurorët të rrisin prioritetin dhe intensitetin e veprimet procedurale, për të siguruar: -hetime të plota, gjithëpërfshirëse dhe afate sa më të shkurtra të çështjeve;- ngritjen e akuzës së në gjykatë bazuar në rrethanat e faktit të provuara dhe në ligjin material penal, e procedural të zbatueshëm”, shkruan kryeprokurori Çela.

Çela theksoi detyrimin “për të garantuar një hetim të plotë e të gjithanshëm dhe në afate të përshpejtuara në kuadrin e procedimit të drejtë dhe të rregullt ligjor, si dhe ndjek në dinamikë veprimtarinë e procedimeve”.

 

Adresa juaj e emailit nuk do bëhet publike.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>