KLGJ njofton Dvoranin: Detyra juaj si gjyqtar në Gjykatën e Lartë ka përfunduar

Nga Exit News
KLGJ njofton Dvoranin: Detyra juaj si gjyqtar në Gjykatën e Lartë ka përfunduar

Këshilli i Lartë Gjyqësor ka njoftuar Ardian Dvorani për përfundimin e detyrës së tij si gjyqtar i Gjykatës së Lartë.

“Pas emërimit dhe fillimit të ushtrimit të detyrës të tre gjyqtarëve të rinj të Gjykatës së Lartë, për ju [Dvoranin] ka mbaruar detyrimi kushtetues për të qëndruar në detyrën e gjyqtarit në Gjykatën e Lartë.” – shkruan KLGJ.

Dvoranit i ka mbaruar mandati si gjyqtar i Gjykatës së Lartë në vitin 2014, por në mungesë të emërimit të gjyqtarit zëvendësues, ka justifikuar mbajtjen e detyrës edhe për gjashtë vjet të tjera.

“Praktika e zgjatjes në heshtje të mandatit të gjyqtarit për një periudhë kohore të pacaktuar pas mbarimit të mandatit, deri në riemërimin e tyre, është konsideruar si shkelje e parimit “gjykatë e krijuar me ligj” – thekson KLGJ.

Sipas Konventës Europiane për të Drejtat e Njeriut është e drejtë e çdo individi që çështja e tij të gjykohet nga një gjykatë e krijuar me ligj.

Tani Ardian Dvorani ka të drejtën të caktohet si gjyqtar apeli. Ligji i reformës në drejtësi, “Për statusin e gjyqtarëve dhe prokurorëve” i jep një javë kohë që të shprehet nëse dëshiron ta ushtrojë këtë detyrë.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>