Këshilli i Lartë Gjyqësor ka pranuar dorëheqjen e gjyqtarit të Apelit të Tiranës Gjin Gjoni.
Në një mbledhje virtuale, KLGJ miratoi me 8 vota pro dhe 2 kundër kërkesën e Gjonit për dorëheqje.
Kjo do të thotë se Gjin Gjoni nuk do t’i nënshtrohet procesit të vetingut.
Gjyqtari Gjoni dha dorëheqjen në 21 korrik.
Në letrën e dorëheqjes, Gjoni shprehej se procesi i vetingut nuk është i barabartë për të gjithë dhe se e kalon vetëm ‘nëse i shërben politikës’.
Gjin Gjoni njihet si gjyqtari që mori 2 vjet leje prindërimi nga Këshilli i Lartë i Drejtësisë, në vitin 2018.
