KLP: Arben Kraja pa probleme me të shkuarën komuniste

Nga Redaksia
KLP: Arben Kraja pa probleme me të shkuarën komuniste

Këshilli i Lartë i Prokurorisë deklaroi sot se drejtuesi i Prokurorisë së Posaçme Arben Kraja nuk ka probleme me të shkuarën komuniste.

KLP pohoi se ai është hetuar në të gjitha kriteret përsa i përket integriteti dhe figurës dhe ka kaluar me sukses.

“E kaluara e tyre është hetuar imtësisht në 4 rrafshe:
(i) Është verifikuar nëse kanë bashkëpunuar me strukturat famëkeqe të ish – sigurimit të shtetit në periudhën 29.11.1944 deri në 02.07.1991;
(ii) Është verifikuar nëse kanë pasur kontakte të papërshtatshme me persona të përfshirë në krimin e organizuar gjatë periudhës së punës si prokurorë;
(iii) Është verifikuar nëse pasuria e tyre është e ligjshme; dhe
(iv) Është verifikuar nëse aftësitë e tyre profesionale janë të përshtatshme për ushtrimin e funksionit të prokurorit.
Të gjithë prokurorët që sot shërbejnë në SPAK, kanë kaluar me sukses verifikimet e sipërpërmendura. ”

Pak ditë më parë, Ish-drejtuesi i Institutit të Studimeve për Krimet dhe Pasojat e Komunizmit (ISKK) Agron Tufa denoncoi faktin se gjatë fundit të regjimit diktatorial, Zoti Kraja, i zgjedhur kryetar i SPAK, kishte marrë pjesë si hetues në procese gjyqësore politike.

Në një artikull të mëparshëm, ne kemi sqaruar se më për vetëm 27 ditë, AIDSSH i u përgjigj se nga verifikimet e bëra “deri në atë moment nuk kishin rezultuar materiale në emër të tij në dokumente të ish-Sigurimit të Shtetit”. Kjo përgjigje erdhi pas kërkesës së KLP për verifikimin e figurës së zotit Kraja.

LEXO  Aleanca për Teatrin kallëzon në SPAK Çuçin dhe Veliun

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>