3 kandidatë për kreun e SPAK, sot afati i fundit për aplikim

Nga Stafi i Exit
3 kandidatë për kreun e SPAK, sot afati i fundit për aplikim

Këshilli i Lartë i Prokurorisë (KLP) emëroi sot 8 nga 15 anëtarët e Strukturës së Posaçme Anti-Korrupsion (SPAK). Kushteta thotë se për funksionimin e SPAK-ut duhen minimumi 10 anëtarë.

Prokurorët e emëruar janë:

  • Altin Dumani, Prokuroria e Apelit Tiranë
  • Arben Kraja, Prokuroria e Përgjithshme
  • Behar Dibra, Prokuroria e Krimeve të Rënda
  • Edvin Kondili, Prokuroria e Krimeve të Rënda
  • Elida Celami (Kaçkini), Prokuroria e Tiranës
  • Ened Nakuçi, Prokuroria e Krimeve të Rënda
  • Enkeleda Millonai, Prokuroria e Elbasanit
  • Klodian Braho, Prokuroria e Krimeve të Rënda

Emërimet morën nga 11 vota dhe Kryetari i KLP-së, Gent Ibrahimi tha se ato do të hyjnë në fuqi më 19 dhjetor pas betimit te Presidenti.

Gjatë mbledhjes së sotme KLP hapi edhe garën për drejtuesin e SPAK-ut, drejtuesi i së cilës do të zgjidhet mes 8 anëtarëve të emëruar. Ata kanë 15 ditë kohë për të paraqitur kandidaturat. Mandati i kryetarit është 3 vjeçar. Kryetari më pas do të ketë në dorë nisjen e procedurës për plotësimin e SPAK me prokurorë të tjerë në mënyrë që të plotësohet numri minimal prej 10 prokurorësh që kërkon Kushtetuta.

Kreu i KLP-së, Gent Ibrahimi, propozoi që çdo anëtar të votojë për kryetarin e SPAK-ut duke shpjeguar pikëzimin e tij një formular pasi të njihen me platformën konkurruese të secilit kandidat.

Lajme te ngjashme