Maja Koçijançiç, zëdhënësja e Mogherinit shpreh mbështetjen e për ambasadorin e BE-së në Tiranë, Soreca.
“Ne përsërisim mbështetjen tonë të plotë për punën e shkëlqyer që Ambasadori i BE-së dhe Delegacioni i BE-së po bëjnë për ta sjellë vendin më pranë Bashkimit Evropian. Deklaratat dhe veprimet e përfaqësuesve të Bashkimit Evropian përfaqësojnë qëndrimet dhe pikëpamjet e BE-së”, shkruan ajo në një deklaratë për shtyp.
Ajo i quan të papranueshme deklaratat e autoriteteve shqiptare dhe partive politike në lidhje me integritetin e përfaqësuesve të BE-së në Tiranë:
“Deklaratat e përfaqësuesve të autoriteteve shqiptare dhe partive politike që vënë në dyshim integritetin e bashkësisë diplomatike të Bashkimit Evropian në Tiranë për qendrime të shprehura në cilësinë e tyre institucionale janë krejtësisht të papranueshme”.
Në fund të deklaratës shkruhet se “ne besojmë se respekti dhe bashkëpunimi është i garantuar nga të gjithë aktorët në vend, me qëllim promovimin e partneritetit tonë me Shqipërinë”.
