Komisionet parlamentare miratuan të hënën marrëveshjen mes Shqipërisë dhe COVAX për sigurimin e vaksinës kundër Covid-19.
Në kuadër të kësaj marrëveshjeje, shteti shqiptar do të paguajë fillimisht 4 milionë dollarë.
Fillimisht do të merren 1 milionë e 140 mijë doza vaksinash, të cilat do të përdoren për personat mbi 60 vjeç,staf mjekësor dhe personat me sëmundje bashkëshoqëruese.
Ndërkohë qeveria ka programuar rreth 12 milionë dollarë nga buxheti i shtetit për sigurimin e vaksinës.
