Komisioni Europian heton Amazon për abuzim me pozitën dominuese

Nga Exit News
Komisioni Europian heton Amazon për abuzim me pozitën dominuese

Komisioni Evropian nisi hetimet mbi kompaninë Amazon për abuzim me pozitën e tij dominuese në shitjet online, duke marrë avantazh të padrejtë ndaj konkurrentëve.

KE ngriti dyshime se Amazon ka përdorur të dhënat e shitësve të palëve të treta, që përdorin tregun e tij, për të rritur shitjet e mallrave të veta.

Komisionerja për Konkurrencë e BE-së, Margrethe Vestager, tha se është thelbësore që platformat e mëdha si Amazon të mos “e çrregullojnë konkurrencën”.

“Të dhënat mbi aktivitetin e shitësve të palëve të treta nuk duhet të përdoren për përfitime të Amazonit kur ai vepron si konkurrent i këtyre shitësve”, tha Vestager.

Komisioni po ashtu nisi hetime për trajtimin e mundshëm preferencial të shitësve që përdorin shërbimet e Amazonit për logjistikë.

Komisioni Evropian nisi hetimet për Amazon që prej korrikut të vitit të kaluar, pas ankesave nga kompani të tjera.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>