Komisioni i Venecias do t’i japë institucioneve shqiptare opinion përfundimtar për emërimet në Gjykatën Kushtetuese dhe paketën anti-shpifje, më 18-19 qershor.
Njoftimi është bërë nga vetë KV.
Në janar 2020, presidenti Meta i drejtoi Komisionit të Venecias disa pyetje për emërimet e gjyqtarëve në Gjykatën Kushtetuese (GJK).
Në kërkesën prej 46 faqesh drejtuar Presidentit të Komisionit Gianni Buquicchio, Meta ngarkon parlamentin me përgjegjësitë për keqzbatimin e reformës në drejtësi dhe thekson se po kërkohet kapja e shtetit.
Në mars 2020, Komisioni shtyu dhënien e opinioneve për Shqipërinë, me justifikimin e pandemisë së Covid-19.
Por një burim i besueshëm, në dijeni të gjendjes, pohoi për Exit News se shkaku i vërtetë për shtyrjen ka të bëjë me presionin e qeverisë shqiptare, e cila që pas publikimit të draft opinionit ka ndëmarrë një fushatë për të zbutur tonet kritike të opinionit në lidhje me procesin e vetingut.
Ndërsa paketa antishpifje i është dërguar Komisionin e Venecias për t’u shqyrtuar nëse shkel apo jo lirinë e shprehjes.
Parlamenti ka rënë dakord të presë opinionin e Komisionit të Venecias përpara se të votojë paketën ligjore me procedurë të përshpejtuar.
