Si Big Brother: Vodafone bëhet instrument i sulmeve të Edi Ramës kundër medias

Nga Alba Mborja
Si Big Brother: Vodafone bëhet instrument i sulmeve të Edi Ramës kundër medias

Kompania Vodofane ka detyruar, sot pasdite, abonentët e saj të dëgjojnë një mesazh audio të Kryeministrit Rama, me “këshilla” për t’u mbrojtur nga koronavirusi, para telefonatave thirrëse apo marrëse të tyre.

Zëri i Kryeministrit, i cili shfaqet krejt befas, ndërsa pret të dëgjosh zërin e dikujt tjetër, ngjan me skenat e Big Brother të përshkruar nga George Orwell në librin ‘1984’, satirë për regjimet totalitare.

Çdo abonenti Vodafone që thërret çfarëdo numri tjetër në çdo operator, Vodafone i vë herë pas here të dëgjojë një mesazh audio të Ramës para se ta lidhe me numrin e thirrur. Gjithashtu, personat, nga çdo operator, që telefonojnë një numër Vodafone, Vodafone i detyron herë pas here të dëgjojë mesazhin e Ramës para se t’i lidhë ata me abonentin e saj.

Mesazhet shfaqen në mënyrë të rastësishme, një herë në disa telefonata.

Mesazhi audio i Ramës ka patur ndër të tjera një sulm ndaj mediave: “ruajuni mediave” është një nga këshillat që jep Edi Rama në mesazh si masë të luftës kundër koronavirusit.

Është një sulm i ulët i Kryeministrit ndaj lirisë së shprehjes dhe medias, në vazhdën e shumë sulmeve të tjera.

Por është një shkelje flagrante e etikës, standardeve profesionale dhe ndoshta edhe ligjit të privatësisë nga ana e kompanisë Vodafone, e cila është bërë bashkëpunëtore me Ramën në sulmin ndaj lirisë së mediave.

Ligji i Ruajtjes së Privasisë lejon përdorimin e numrave për qëllime të mjeksisë parandaluese, por kërkon që ky përdorim duhet bërë nga persona të autorizuar të sistemit të mjeksisë dhe institucione publike të certifikuara për ruajtjen e të dhënave.

Në këtë rast, mund të supozohet se përdorimin e ka bërë vetë Vodafone, pra që ajo nuk ia ka dhënë numrat stafit të Kryeministrit, por ka përdorur kapacitetet teknike dhe rrejtin e saj per transmetimin direkt prej saj të mesazhit audio të Kryeministrit tek abonentët. Ështe e paqartë se me çfarë procedure dhe praktike ligjore e ka marrë këtë vendim Vodofanoe.

Ne telefonuam disa herë në dy numra kontakti të publikuar në faqen në rrjet të Vodafone, por askush nuk u përgjigj dhe asnjë nga numrat nuk jepte mudnësinë e lënies së një mesazhi. Duket se kompania që e konsideron veten prijës të telefonisë në Shqipëri nuk ka vetë një njeri që t’i përgjigjet telefonit.

Sido që të jetë, veprimet e Vodafonit duhet të hetohen menjëherë nga entet rregullatore.

9 komente

  1. A.M 12 Mars, 2020 në 8:01 pm

    Mesazhin e degjuam por eshte krejt normal!
    Kujdesin w apelon per pseudo mediat dhe portalet qe nuk kontrollohen se çfare postojne!
    Kaq e thjeshte eshte, nuk e ka fjalen per mediat kombetare dhe prestigjoze!
    Kush do ta kuptoje e kupton, pastaj interpretimet martin ngjyra politike si t’jua japesh….

    • M a 13 Mars, 2020 në 8:26 am

      Si e kuptove ti am për ke media e kishte?

      Ky është një veprim prej deliranti, shpëtimtari babai kombit qe as Kim Jong s’do e kish bere

  2. Rama doni 13 Mars, 2020 në 2:22 am

    Edhe Enveri e ka zili këtë MONSTRRËN që ka kaluar ç’do parashikim….
    Vodafonit duhet t’i bëhet një padi kolektive për shkelje të kontratës me klientin që mos të përsëritet më dhe mos të bëhet vegël e PROPAGANDËS SGTETËRORE.

  3. t 13 Mars, 2020 në 11:20 am

    Po pse mër am,a nuk te mjaftojne gjithe njoftimet e udhezimet qe po i jep
    çdo kanal televiziv?Edhe kete kishim manget qe te na hyje te telefonatat nje lugat qe nuk po gjejme dot force qe ta degdisim bashke me te tjete si am

Adresa juaj e emailit nuk do bëhet publike.

Lajme te ngjashme