Një konflikt me armë ka ndodhur në Vlorë mesditën e së hënës ku ka mbetur një i vrarë. Ngjarja ka ndodhur në lagjen “Hajro Çakërri”, ku ka humbur jetën Bledar Birçaj rreth 40 vjeç.
Në janar të 2011 ai u arrestua në Vlorë si i dyshuar për vrasje, duke iu vendosur masa e arrestit me burg me afat 45 ditë. Gjithashtu, Gjykata e Rrethit Gjyqësor Vlorë me vendimin të marsit 2011, ka caktuar si masë sigurimi “arrestit në burg” pa afat.
Në prill masa ndaj tij ndryshoi nga Gjykata e Vlorës nga “arrest në burg” me masën e sigurimit “detyrim paraqitje në policinë gjyqësore” dhe masën detyruese “ndalim të daljes jashtë shtetit” deri në përfundim të hetimeve. Por në korrik 2011 u vendos pushimi i hetimit penal në ngarkim të Bledar Birçaj duke u lënë i lirë.
Sipas të dhënave deri tani ai u qëllua me breshëri plumbash në makinën e tij. Ndërkohë policia po heton ngjarjen dhe do të zbulojë autorët e krimit të ndodhur.
