Kongresi shkarkon Tramp për herë të dytë

Nga Exit News
Kongresi shkarkon Tramp për herë të dytë

Kongresi ka shkarkuar Tramp për herë të dytë gjatë mandatit të tij presidencial.

Tramp është presidenti i parë në historisë e SHBA që shkarkohet dy herë.

Demokratët kanë votuar pro shkarkimit të tij.

Pas diskutimeve dhe debateve, Dhoma e Përfaqësueve votoi pro shkarkimit të Trampit për rolin e tij në ngjarjet e javës së kaluar në Kapitol.

Demokratët e akuzojnë Trampin për “nxitje të kryengritjes” dhe pretendojnë se Tramp inkurajoi në mënyrë aktive dhunën në Kapitolin e SHBA.

Por që shkarkimi të hyjë në fuqi ai duhet të votohet edhe nga 2/3 e Senatit ku Republikanët dhe Demokratët janë ndarë 50 – 50.

Nëse të gjithë senatorët demokratë do të votjnë për shkarkimin e presidentit, do të duhen minumumi edhe 17 republikaë që Tramp të shkarkohet.

Por Senati nuk ka gjasa të mblidhet para datës 19 janar për këtë çështje.

Një zëdhënës i udhëheqësit të Senatit Miç MekKonell ka konfirmuar se kreu i Republikanëve nuk do të mbledhë përsëri Senatin në një seancë urgjente për shkarkimin e Tramp.

Mbledhja e radhës së Senatit është më 19 janar, një ditë para inagurimit të Bajden si president. Kështu që votimi i Senatit për shkarkimin e Tramp ka gjasa të kryhet kur ai nuk do të jetë më në detyrë.

Kjo është hera e dytë që Tramp shkarkohet nga Kongresi. Dhjetorin e kaluar Dhoma e Përfaqësuesve në Shtetet e Bashkuara të Amerikës votoi pro shkarkimit të Presidentit Donald Tramp pasi e akuzoi se i kërkoi një vendi të huaj (Ukrainës) të hetonte rivalin e tij politik gjatë zgjedhjeve presidenciale 2020 dhe për pengim të Kongresit në hetimin e kësaj çëshjeje.

Megjithatë shkarkimi u bllokua në Senat nga republikanët, disa prej të cilëve kanë shprehur pakënaqësi me Tramp për ngjarjet e fundit.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>