Koronavirusi prek futbollin, ndeshje pa tifozë në Champions League dhe Europa League

Nga Exit News
Koronavirusi prek futbollin, ndeshje pa tifozë në Champions League dhe Europa League

UEFA ka vendosur të mos pezullojë ndeshjet e programuara për Champions League dhe Europa League.

Ajo ka ndaluar shtrëngimin e duarve mes lojtarëve e arbitrave dhe në vendet ku ka përhapje të virusit takimet do të zhvillohen pa tifozë.

Ndeshjet Valencia-Atalanta, Paris Saint Germain-Borussia Dortmund, Barcelona-Napoli dhe Juventus-Lyon, të vlefshme për fazën me eliminim direkt në UEFA Champions League do të zhvillohen pa tifozë.

Ky është lajm i keq për PSG dhe Valencian, të cilat duhet të përmbysin rezultatet 2-1 dhe 4-1 të ndeshjeve të vajtjes, pa mbështetjen e tifozëve të tyre. Po kështu ndeshja Inter-Getafe në Europa League do të luhet pa tifozë.

Edhe në Gjermani situata është e njëjtë. Zyrtarisht nuk ka një vendim, por Ministri gjerman i Shëndetësisë ka bërë thirrje për ndalim të grumbullimeve me mbi 1 mijë njerëz, çka mund të nxisë që përballja me Chelsea-in të jetë pa tifozë.

Platforma të njohura televizive si BT Sports apo Sky po mendojnë t’i transmetojnë falas ndeshjet e futbollit për ato sfida që do të luhen pa tifozë.

Situata duket shqetësuese për sportin. Në Itali fundjava kaloi me mjaft polemika pasi shoqata e futbollistëve kërkoi ndërprerjen e kampionatit.

Ndërkohë më 26 mars zhvillohen 8 ndeshjet e fundit kualifikuese për në kampionatin Evropian që nis zyrtarisht në qershor.

Megjithëse UEFA është shprehur e qetë se çdo gjë do të vazhdojë sipas planeve, duket e vështirë që ndeshjet të luhen qetë, duke pasur parasysh se do të kërkohet që skuadrat të udhëtojnë në vende të tjera.

LEXO  Gjenden dy trupa të pajetë në lumin Buna

Njësoj në mëdyshje mbetet edhe vetë organizimi i Euro 2020, që ndryshe nga çdo herë do të zhvillohet në 12 shtete, diçka që shton rrezikun e përhapjes së koronavirusit.

Nëse situata do të rëndohet, UEFA pritet të vendosë pezullimin e Euro 2020.

Lajme te ngjashme