Kosova do të rivendosë masat e reciprocitetit me Serbinë

Nga Die Morina van Uijtregt
Kosova do të rivendosë masat e reciprocitetit me Serbinë

Kosova deklaroi se do të vendosë masa reciprociteti me Serbinë pasi të bëhet një analizë ekonomike, ka deklaruar Liburn Aliu, Ministri i Mjedisit, Planifikimit Hapësinor dhe Infrastrukturës së Kosovës.

“Reciprociteti do të jetë një masë që ne do ta përdorim me Serbinë për të vendosur marrëdhënie normale. Nuk mund të ketë marrëdhënie normale me Serbinë nëse reciprociteti nuk imponohet “, u shpreh Aliu në emisionin Rubikon në Klan Kosova.

Ai u shpreh se analiza ekonomike është në interes të Kosovës si dhe interesave të shqiptarëve të Luginës së Preshevës në Serbi. “Në shumë raste, reciprociteti dëmtoi qytetarët e Preshevës, Bujanovc dhe Medvegja,” tha Aliu.

“Reciprociteti patjetër që do të ndodhë. Edhe ekonomik edhe tregtar. Unë nuk mund të flas për parashikime, por unë e di [vendimin] e Vetëvendosjes dhe nuk do të ketë kompromis për këtë çështje”, shtoi ai.

Ai tha se ka pasur presion nga ndërkombëtarët, por vendimi sipas Aliut i takon qeverisë e cila do t’i japë përparësi interesave të qytetarëve të Kosovës dhe atyre të Luginës së Preshevës.

Në vitin 2020, Kryeministri Albin Kurti hoqi të gjitha tarifat për importet nga Serbia dhe Bosnja dhe Hercegovina dhe filloi zbatimin gradual të masave të reciprocitetit. Masa u kundërshtua fuqimisht nga Shtetet e Bashkuara.

Kryeministri i ri, Avdullah Hoti hoqi masën e reciprocitetit për të kënaqur Serbinë e cila kërkoi që nëse dialogu do të vazhdonte për normalizimin e marrëdhënieve midis dy kombeve, masat e reciprocitetit duhet të hiqen.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>