Kolegji i Posaçëm i Apelimit rrëzoi ankesën e ish gjyqtarit të Apelit Shkodër Luan Dervishi, duke lënë në fuqi vendimin e shkarkimit.
Vendimi u mor nga trupa gjykuese e përbërë nga Ardian Hajdari, Sokol Çomo, Albana Shtylla, Ina Rama dhe Natasha Mula.
Luan Dervishi u shkarkua nga detyra më 26 nëntor 2018, pasi ju gjetën probleme të shumta në deklarimet e pasurive dhe mungesë profesionalizmi. KPK argumentoi se gjyqtari Dervishi kishte deklarime të pasakta; fshehje e pasurive dhe mungesë e burimeve të ligjshme për justifikimin e tyre; deklarime të rreme e konflikt interesi.
