KPA shtyn seancën për anëtarin e KLP Besnik Cani

Nga Exit News
KPA shtyn seancën për anëtarin e KLP Besnik Cani

Kolegji  i Posaçëm i Apelimit shtyu seancën për anëtarin e Këshillit të Lartë të Prokurorisë, Besnik Cani. Shkak për shtyrjen e seancës, u bënë dy kërkesat e prokurorit Cani. Zoti Cani kërkoi kohë pesë ditë në mënyrë që avokati i tij të njihej me dokumentat. Kërkesa e dytë lidhej me ceremoninë mortore e xhaxhait të tij.

Trupa gjykuese për anëtarin e KLP Cani, përbëhet nga Rezarta Schuetz, Ardian Hajdarin dhe Albana Shtylla, Luan Daci dhe Sokol Çomo.

Komisioneri Publik (KP) ankimoi vendimin e Komisionit të Pavarur të Kualifikimit (KPK) për prokurorin Cani.

Më herët, Operacioni Ndërkombëtar i Monitorimit (ONM) kishte kërkuar që KP ta apelonte vendimin e KPK-së. Sipas ONM-së, trupa e KPK-së, Olsi Komici, Lulzim Hamitaj dhe Brunilda Bekteshi e konfirmuan në detyrë prokurorin pavarësisht problemeve me pasurinë, konfliktin e interest, aftësinë profesionale dhe etike.

ONM konstatoi probleme me një kontratë të nënshkruar mes Canit dhe kompanisë “Kastrati”, përfitimin prej tij të statusit si i pastrehë nga bashkia e Fierit si dhe probleme me tre dosje hetimore për hetime jo të thelluara.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>