Komisioni i Pavarur i Kualifikimit konfirmoi në detyrë gjyqtaren e Gjykatës e Apelit të Shkodrës, Valbona Vata.
Komisioni evidentoi pamundësi financiare për një pjesë të vlerës së këstit të parë të një apartamenti në Tiranë, të porositur në vitin 2010.
Komisioni i gjeti të sakta deklarimet e gjyqtares Vata për këtë pasuri, por konstaton pamundësi për shlyerjen e këstit të parë.
Komisioni nuk gjeti probleme në blerjen e një makine në vitin 2010 kundrejt shumës 320 mijë lekë.
Gjithashtu, rezultoi se ajo ka pasur burime të mjaftueshme edhe për blerjen e e një makine tip Benz në vitin 2009, që ia ka dhuruar po atë vit motrës së saj.
Në lidhje me figurën dhe profesionaliteti, gjyqtarja Vata u vlerësua pozitivisht.
Valbona Vata ka përfunduar studimet në Shkollën e Magjistraturës në vitin 2001 dhe është emëruar fillimisht në Gjykatën e Korçës. Në vitin 2003, Vata e ka ushtruar funksionin në Gjykatën e Rrethit Shkodër, ndërsa në vitin 2007 është emëruar kryeinspektore pranë Këshillit të Lartë të Drejtësisë. Vata punon si gjyqtare e Gjykatës së Apelit të Shkodrës prej vitit 2012. Paralelisht me funksionin si gjyqtare, ajo është angazhuar në mësimdhënie në institucione private si dhe në Shkollën e Magjistraturës.
