KQZ i kërkon qeverisë të heqë logot partiake në portalin ‘Shqipëria që duam’

Nga Exit News
KQZ i kërkon qeverisë të heqë logot partiake në portalin ‘Shqipëria që duam’

Komisioni Qendror i Zgjedhjeve i kërkoi qeverisë të heqë logot e Partisë Socialiste nga portali ‘Shqipëria që Duam’.

Në një vendim të marrë në 30 janar, Komisioneri Shtetëror, Ilirjan Celibashi argumenton se vendosja e simboleve të PS në këtë portal, i cili është zyrtar, është shkelje e ligjit.

Denoncimi për këtë rast erdhi nga Instituti i Studimeve Politike, i cili pohoi se faqja zyrtare e këtij portali përmbante 36 flamuj të PS.

Komisioneri argumenton se Agjensia për Dialog dhe Bashkëqeverisje është institucion publik dhe ligji e ndalon përdorimin e simboleve të partive politike.

Në një kontroll të bërë nga Exit, faqja e portalit ende përmban simbole të Partisë Socialiste.

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>