Kreshnik Ajazi merr detyrën e drejtuesit të Prokurorisë së Elbasanit

Nga Exit News
Kreshnik Ajazi merr detyrën e drejtuesit të Prokurorisë së Elbasanit

Kreshnik Ajazi ka marrë sot detyrën e drejtuesit të Prokurorisë Elbasan.

Sipas Ajazit, Prokuroria e Elbasanit mishëron nevojën e  reformës në drejtësi dhe ai u shpreh krenar që është zgjedhur në këtë institucion.

Kreu i ri i prokurorisë pranoi se Elbasani ka problematika sa i përket gjendjes së kriminalitetit por tha se gjatë vitit 2020 prokuroria është angazhuar për hetimin e “çështjeve sensitive për opinionin publik”

Gjatë prezantimit të tij, Ajazi kërkoi më shumë investime në sigurinë fizike në prokurorinë e Elbasanit si dhe përcaktimin e statusit të nëpunësve civile në prokurori.

Elbasani është një nga qytetet që është goditur nga disa ngjarje të rënda, që nga vrasja e Emiliano Ramazanit dhe Regis Runajt në korrikun e vitit të shkuar. Më pas ndodhi atentati me snajper ndaj Ardian Çapjas. Gjatë periudhës së fushatës zgjedhore u vra Pjerin Xhuvani ndërsa një muaj më parë u ekzekutua një 41-vjeçar. Përveç rastit të Xhuvanit, vrasjet e tjera dyshohet se kanë lidhje me konflitet mes grupeve kriminale.

Ky qytet është përmendur edhe në raportin e fundit të Inciativës Globale për Luftën ndaj Trafikut të Drogës dhe Njerëzve, si një nga pikat kryesore të Shqipërisë për trafikun e drogave të forta.

Drejtuesi i Këshillit të Lartë të Prokurorisë, Gent Ibrahimi u shpreh gjatë prezantimit të Ajazit se Elbasani është një prokurori e cila kërkohet nga prokurorët dhe u bëri atyre apel që të punojnë të mësojnë të punojnë të pavarur.

LEXO  Konfirmohet në detyrë prokurori i Elbasanit, Alfred Shehu

Adresa juaj e emailit nuk do bëhet publike.

Lajme te ngjashme