Krujë, 7 punonjës fasonerie të tjerë të infektuar

Nga Exit News
Krujë, 7 punonjës fasonerie të tjerë të infektuar

Të paktën 7 persona të tjerë më Covid-19 janë zbuluar në Krujë në 24 orët e fundit, duke e çuar numrin e të prekurve në këtë qytet në 65,

6 prej tyre janë punonjës të dy fasonerive, ndërsa i shtati është familjar i tyre.

Një ditë më parë, 22 prill, në Krujë u zbuluan 18 pacientë të rinj me Covid-19, të gjithë të lidhur me fasoneritë: punonjës dhe familjarë të tyre.

Dy fasoneritë në Krujë të cilat kanë lidhje më njëra-tjetrën, kanë qëndruar hapur deri më 15 prill. Në to punojnë kryesisht gra nga Kruja dhe Laçi, të cilat transportohen për në punë nga furgonat e kompanisë.

Transporti dhe puna duke mos zbatuar masat e distancimit fizik kanë bërë që Covid-19 të përhapet shpejt mes punonjësve, të cilët më pas ia kanë transmetuar familjarëve të tyre.

Kruja deri më 17 prill, kishte vetëm një vatër familjare me 7 të infektuar, shumica prej tyre të shëruar. Ndërsa tani ka 65 të infektuar brenda pak ditësh.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>