Kryetarja e LSI-së Monika Kryemadhi ka përjashtuar një koalicion me Partinë Socialiste në zgjedhjet e 25 prillit.
Në një intervistë për News24, të martën, Kryemadhi tha se ajo nuk bën koalcion me Rilindjen:
“Ne nuk bëjnë koalicion me rilindjen. Rilindja është sekti që ka grabitur vlerat e PS. LSI është parti e qendrës së majtë dhe ka ardhur si pasojë e arrogancës së lidershipit të asaj kohe.”
Ajo theksoi se LSI është në kaolicion me PD-në dhe partitë opozitare, qëllimi it ë cilave është largimi i Ramës në 25 prill:
“Ne jemi me koalicion jo vetëm me PD, por me të gjitha partitë opozitare, që janë në frontin opozitar. Pika jonë kryesore është largimi i Edi Ramës më 25 prill.”
Pyetur për mënyrën e bashkëpunimit me PD-në në zgjedhje, Kryemadhi la të kuptohej se do të kenë lista të ndara:
“Sa i prekët listës, kjo gjë është më se e qartë. Fryma është ajo që krijon numrin më të madh të mandateve.
Koalicioni i opozitës, fronti opozitar me fuqinë e dy listave, sigurisht që çojmë në kutinë e votimit më shumë vota, duke pasur 280 kandidatë, sesa duke pasur 120 kandidatë.”
