Kryeministri Johnson britanikëve: Kalojini pushimet në atdhe

Nga Exit News
Kryeministri Johnson britanikëve: Kalojini pushimet në atdhe

Kryeministri Boris Johnson i bëri thirrje britanikëve që këtë verë të pushojnë brenda Mbretërisë së Bashkuar.

“Mendoj se ky është një vit i mirë që njerëzit t’i kalojnë pushimet në atdhe. Ky vend është i bekuar në mënyrë unike me vende fantastike për pushime. Unë kështu do të bëj,” deklaroi Johnson para gazetarëve.

Pyetur për mbajtjen e maskave mbrojtëse, Johnson tha se maskat “luajnë rol të madh në vendet e mbyllura” dhe se qeveria do të shqyrtojë “udhëzimet” brenda ditëve të ardhshme për të vendosur nëse mbajtja e maskës do të bëhet e detyrueshme apo jo.

Mbretëria e Bashkuar është një ndër vendet më të prekura nga pandemia e COVID-19.

Sipas të dhënave të Universitetit John Hopkins, në MB janë infektuar gjithsej 291,155 njerëz, ndërsa 44,904 kanë vdekur.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>