Kryeministri Rama: Meta nuk më ka dorëzuar asnjë platformë, i gatshëm të ulem në çdo tryezë

Nga Exit News
Kryeministri Rama: Meta nuk më ka dorëzuar asnjë platformë, i gatshëm të ulem në çdo tryezë

Kryeministri Rama deklaroi se Presidenti Meta nuk i ka dorëzuar asnjë platformë dhe se është i gatshëm të ulet në çdo tryezë.

Në një postim në Twitter Rama shkruan:

“Presidenti nuk më ka dorëzuar asnjë platformë, por jam gati të ulem në çdo moment me të, me opozitën brenda/jashtëparlamentare e me partnerët e Reformës në Drejtësi, që t’i vëmë pikat mbi “i” të gjitha pikave të të gjitha palëve në shqip/anglisht, se teatri ra, iku e na la.

Jemi në prag të miratimit të Planit të Veprimit për Negociatat në Këshillin Kombëtar të Integrimit, s’ka rast më të mirë që Presidenti, Opozita, Institucionet e Drejtësisë,Partnerët Ndërkombëtarë për Drejtësinë dhe Integrimin, të mblidhen URGJENT në një tryezë me karta të hapura.

Presidenti t’i lerë apelet natën për 20 burra e ditën për 11 pika! Opozita t’i lerë ultimatumet trupore e sharjet fëminore! Të dy bashkë ta lenë teatrin e mbledhjeve të komitetit të shpëtimit, se Shqipëria, parlamenti, qeveria, s’kanë kohë të luajnë “e ka kush e ka” dezhurnin”

Presidenti Meta u shpreh gjatë konferencës për shtyp se se ia ka dërguar platformën e tij me 14 pika që më 8 prill kryeministrit Rama, por se nuk ka marrë një përgjigje prej tij.

1 koment

Adresa juaj e emailit nuk do bëhet publike.

Lajme te ngjashme