Kryetarja e Komitetit të Buxhetit në PE: Rasti i vilës së Vlahutinit ka dëmtuar rëndë imazhin e BE-së

Kryetarja e Komitetit të Buxhetit në PE: Rasti i vilës së Vlahutinit ka dëmtuar rëndë imazhin e BE-së

Gazeta e rëndësishme gjermane Frankfurt Allgemeine Zeitung ka botuar dje një artikull të gazetarit Karl-Peter Schwarz rreth zhvillimeve politike në Shqipëri, përfshi zbatimin e reformës në drejtësi.

Artikulli, ndër të tjera, shprehet se një nga elementët kryesorë të reformës në drejtësi është vetingu i gjykatësve dhe prokurorëve i cili do të kryhet nga një komision me 27 anëtarë. Veprimtaria e komisionit do të mbikqyret nga një ekip vëzhguesish ndërkombëtarë, të cilët duhet të garantojnë që vetingu nuk do të përdoret politikisht.

Sipas gazetës, kjo gjë kërkon që përfaqësusit e BE-së, të cilët koordinojnë vëzhguesit ndërkombëtarë, duhet të jenë të besueshëm dhe të paanshëm, por ky lloj besimi është dëmtuar nga Ambasadorja e BE-së në Tiranë Romana Vlahutin. Në lidhje me të, artikulli shprehet se:

Ambasadorja e BE, kroatja Romana Vllahutin, është përballuar me një çështje korrupsioni, bërë publike nga mediat shqiptare, në lidhje me një vilë luksoze prej 600 metra katror që Shërbimi i Veprimit të Jashtëm të BE-së bleu si rezidencë për ambasadoren. Vila, në kompleksin ekskluziv Rolling Hills, u ble për 1,65 milion euro, çmim dy herë më i lartë se çmimi i tegut në të njejtin kompleks.

Ingeborg Grassle (CDU), Kryetare e Komisionit të Parlamentit Europian për Kontrollin e Buxhetit, është duke hetuar procedurat e blerjes së vilës. Ajo u shpreh se rasti në fjalë e ka dëmtuar rëndë imazhin e BE-së.

LEXO  Deklarata e BE-së injoron dekretin e Presidentit dhe dhunon shtetin e së drejtës

Opozita shqiptare dyshon se Ambasadorja Vlahutin, ish-punonjëse e Presidentit socialist të Kroacisë Ivo Josipovic punon në favor të kryeministrit socialist Edi Rama për ta drejtuar reformën në drejtësi në favor të tij.

Lajme te ngjashme

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>