Kurti dhe Vuçiç nuk do të takohen në shtator

Nga Exit News
Kurti dhe Vuçiç nuk do të takohen në shtator

Kryeministri i Kosovës, Albin Kurti dhe presidenti i Serbisë, Aleksandër Vuçiç nuk do të takohen në fund të shtatorit konfirmoi të mërkurën zv/kryeministri i Kosovës Besnik Bislimi pas takimit të delegacioneve të dy vendeve në Bruksel.

Sipas tij, takimit Kurti – Vuçiç nuk do të zhvillohet pasi “nuk ka përparim të mjaftueshëm të prekshëm” në bisedime.

Takimi i fundit i dy drejtuesve të vendeve është zhvilluar më 19 korrik, por ai nuk prodhoi ndonjë rezultat dhe palët akuzuan njëra tjetrën se nuk kanë vullnet për dialog.

Megjithatë zyrtarët e BE, të cilët ndërmjetësojnë procesin kishin paralajmëruar një tjetër takim në shtator.

Në takimin e së mërkurës dy delegacionet kanë biseduar vetëm për çështjen e të zhdukurve gjatë luftës. Bislimi tha se palët kanë shprehur gatishmërinë për të pasur qasje në arkivat shtetërore të njëra tjetrës.

Ata kanë rëndë dakord që grupet e punës për çështjen e të zhdukurve të takohen rregullisht dhe që trupat e gjetur deri tani t’i kthehen familjarëve.

Bislimi theksoi se nuk ndryshon qëndrimi i qeverisë kosovare për të mos pranuar Velko Odalloviçin si kryetar të delegacionit serb për këtë çështje.

Negociatorët e Kosovës dhe Serbisë do të takohen përsëri në fund të tetorit.

Lajme te ngjashme

Më të lexuarat

Dërgo informacion në mënyrë konfidenciale

Nëse keni informacion në interes të publikut mund ta dërgoni te redaksia e Exit duke zgjedhur te mbeteni anonim nëse dëshironi.

Mënyrat e dërgimit >>