Kryeministri i Kosovës, Albin Kurti pohoi se takimi me residentin serb Aleksandër Vuçiç është planifikuar për në mes të qershorit.
“Do të ketë një takim për të diskutuar se si të vazhdohet më tej me dialogun, cili duhet të jetë kapitulli i ri i këtij dialogu, rendi i ditës etj. Ne duhet të biem dakord mbi procesin përpara, sepse nuk mund të vazhdojmë [dialogun] ashtu siç i kanë kryer qeveritë e mëparshme në të kaluarën”, deklaroi Kurti.
Ai përsëriti se rezultati i vetëm i pranueshëm i procesit të dialogut mbi normalizimin e marrëdhënieve me Serbinë është njohja reciproke.
Kurti i bëri këto komente pas një darke në Bruksel të organizuar nga diplomati i lartë i BE, Josep Borrell, ku ishin ftuar të gjithë udhëheqësit e Ballkanit Perëndimor. Kjo është vizita e dytë e Kurtit në Bruksel që kur ai mori detyrën në 22 Mars.
